நாடே எழுந்து நிற்கின்றது

 நாடே எழுந்து நிற்கின்றது

டெல்லி வீதிகளில் வீர நடை போட்டு

போராட்டம் ஒன்று நடக்கின்றது - அந்த

விவசாயிகளின் போராட்டம் வெல்ல

நாடே எழுந்து நிற்கின்றது

கார்ப்பரேட் டுக்கு காவு கொடுக்கும்

மூன்று சட்டங்களை

நாடாளுமன்ற நடைமுறை மீறி

நைச்சியமாக இயற்றுவதா

விளைச்சலுக்கு ஏற்ற விலை கிடைக்காமல்

மாண்டது போதாதா - இன்னும் 

நிலங்களைப் பறித்து நிர்க்கதியாக்க 

சட்டம் இயற்றுவதா

      - டெல்லி வீதிகளில்

தேர்தல் அறிக்கையை ஜூம்லா என்ற

வெட்கங்கெட்ட அரசு இது 

இந்திய நாட்டின் உணவு சுய சார்பை

அலட்சியமாக அழிக்கிறது - இனி

பொறுப்பதில்லை என வெகுண்டெழுந்து

புறப்பட்டதோர் பெரும்படை

வீரன் பகத்சிங் வாரிசுகள்

முன்கை எடுத்த படையிது

வெற்றியோடு தான் திரும்புவோமென 

ஆர்பரிக்குது டெல்லியிலே

உழுவோருக்கு 

நன்றிக் கடனாய்

நாமும் இணைவோம்

அவருடனே

ஒன்றிணைந்து போராடுவோம்

ஒன்றிணைந்தே வெல்லுவோம்

  - டெல்லி வீதிகளில்

https://youtu.be/3DDg2b0eW8M

https://youtu.be/uX9N2UOMFSg